Балха моттигий ярмарка дӀахьоргья республике
12.11.2024 09:29
Наьсарерча Победан оалача аллее, ломма 14-ча дийнахьа 11 сахьатагара ши сахьат даллалца балха моттигаш йовзийташ йола ярмарка дӀаяхьа лерхӀ. Из хоам «Сердалога» бир къахьегама гӀулакхех йолча министерство.
ХӀара шера дӀакхухьаш йолча ярмарко аьттув лу, болх бе моттигаш йоацаш лелача кагирхошта шоашта булургбола болх харжа. «Республикерча 11 моттиге тайп-тайпара болх бе тӀахьехаргба кагирхой. Цул совгӀа, болх бе моттигаш луш болчарца къамаьл де, балхах лаьца цхьаццадараш довза аьттув хургба цар», - дийцар тха газетага.
