Математиках цаӏ йола паччахьалкхен экзамен дӏайихьар вай мехка
09.06.2026 09:13
Математиках ЕГЭ дӏахьош хилар вай мехка селхан. «Сердалога» из хоам бир цу оагӏонцарча министерствон болхлоша. «2533 гаргга дешархо вар экзамен дӏаяла езаш дӏаязваь лаьттараш, царна юкъера «профильни» оагӏонца чакхбаьннараш 597 саг ва, «базови» - 1936 саг.
Экзамен дӏаялар ший боаггӏача боараме, цхьаккха кхоачамбоацар юкъе доацаш дӏадахар. Алгебрах ЕГЭ дӏалуш 10 моттиг кийчъяьяр, иштта цхьацца бахьанех цӏагӏа экзамен дӏалурашта 3 моттиг»,- дийцар тха газетага. Паччахьалкхен экзамен дӏаялар ший хила деззача тайпара дӏачакхдаргдолаш къахьийгадар мехка.
«Мехкарча дешареи ӏилмани гӏулакхех йолча министерствос аьттонца цу гӏулакха чакхбала даькъалабувц экзамен дӏалураш», - йоах тхога кхаьчача хоама тӏа.
