Гӏалгӏайче дӏабихьар аргӏанара «Сунт» яха болх
Гӏалгӏайчен наькъа полице чаккхе йир, аргӏанара «Сунт» яха рейд дӏахьош баьча балха. Цо чулаьцар республикан керттера наькъаш, юрташ. Из болх дӏабахьара бахьан дар наькъашка нийслуш дола хатараш юхатохар, наькъа бокъонаш лора ца еш бола водителаш гучабахар. Цу тайпара болх дӏабахьара декхар оттадаьр вар моттигерча МВД кулгалхо, полице инарал-майор Котов Владимир.
«Из болх дӏахьош, инспектораша терко тӏаяхийтар ПДД нийслуш долча гӏалаташта; водителашта, гӏашлошта уж ӏаткъаш хилара. «Сунт» яхача балха чудоагӏаш, полице юхатехар наькъа кхерамзлен даькъ тӏа 203 административни кхоачамбоацар. Цу юкъе- 48 гӏулакх дар РФ КоАП 3.1 д. 12.5 ст. (кораш баьддар). 17 автомобиль лаьрххӏача моттиге дӏаоттайир, 17 автомобила корашкара хӏамаш ӏояьхар цу моттиге, полице дӏавигар виъ бокъонаш телхаяьр», - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.
Гӏалгӏайчен полице тӏахьех республикан бахархой, хьаьший; наькъашка сакхетам болаш хилара. Цо таро лургья сага вахар лораде.
