ГӏалгӀай мехка семинар дӀайихьар вахара проектах
08.04.2025 20:13
Наьсарерча ӀThub колледжа даькъ тӀа дешара семинар дӀайихьар гранташта дехараш оттаде Ӏомалуш. Из чуйоагӀаш я «Smart» яхача ишкола программанна вахара проект оттаяра, яхаш, дийцар кагирхой цхьанкхетарий Цӏен зарбан болх лелабераша.
Цига къамаьл дир кагирхой цхьанкхетара медиа-даькъа кулгалхочо Гӏулой Аминас, иштта Россе кагирхой болх лелабеш волча ГӀалмиев СаӀида.
Цар берашта дийцар «паспорташ», проекташ, иштта кхыдар а мишта язде деза, проекте фу ха деза.
«Студенташ болх бе болабеннаб. Цар шоай гӀулакхаш да. Цхьабараша аргӀанара дешар долаш шоаш баь болх гойтаргба, йоах, хӀаьта оаха из нийсбеш царна новкъостал дергда», - аьлар Гӏулой Аминас.
