ХьунбӀарий фу хоржаш хургбараш къоастабеш, болх дӀабихьар
09.04.2025 12:45
ГӀалгӀайчен Ӏалама Министерстваос Шолжерча хьун цӀерца къовсам лоаттаберий центра болхлоша укх деношка белгалбир Рослесозащита гӀалгӀай филиале шоай балха боарам чӀоагӀбеш бола говзанчаш, цул тӀехьагӀа царна делар цхьан шера хьунбӀарий фу миштад хьажа бокъо луш дола каьхат. Цох дийцар «Сердало» газетага ГӀалгӀай Республикан Ӏалама Министерстве.
Цу боахаме белгалдир, уж нах харжара бахьан да хьун культураш дӀахо дегӀаахар, цу гаьний фу ший ханнахьа кийчо яь хила дезар. Цудухьа цох кхеташ бола говзанчаш кийча хилар лоархӀаме да.
«ХӀанз из бокъо шоай йолаш хилар чӀоагӀдаьча говзанчий таро я хьуна баьцовгӀай фу харжа, къаьстта из малагӀа да белгалдаьд сага говзала тешал деш долча каьхата тӀа», - аьлар Ӏалама боахаме.
