ГӀалгӀайче дӀайихьар лорашта лаьрхӀа Ӏилман-практически конференци
Магасе дӀайихьар Ӏилман-практически конференци, из вӀашагӀъеллаяр «Дикача наьха клуб», «Адаб» яхача ганзаша. Цун балха дакъа лоацаш хилар республикан тайп-тайпарча моттигашкара 100 лор, яхаш, дийцар ГӀалгӀай Республикан унахцӀенон министерствон зарбан болх лелабераша.
Кхетачен хьаьший болаш къамаьл дир Москверча хьалхале лелаеча лорий центра говзанчаша, цу юкъе Морозовски ДГКБ а йолаш. Царна юкъе вар вай къаман викал реаниматолог-анастезиолог, Москверча Морозовски ДГКБ болх беш вола Налганаькъан Рахьмана Руслан.
«Лорий болхлой балха говзал лакхъяр, республикан унахцӀенон болх дегӀабоалабара керттерча декхарех цаӀ да. Оаха баркал оал ер болх вӀашагӀбелларашта, лекторашта, вай лорий балха говзал лакхъярах», - иштта аьлар, из кхетаче ювцаш, ГӀалгӀай Республикан унахцӀенон министра Ӏалбакханаькъан Зарас.
