Гидашта-экскурси ерашта шоай болх мишта хов техкар
Мехкарча культурахи туризмахи йолча министерстве гидашца-экскурси лелаерашца кхетаче йир, царна шоай болх мишта хов тохкаш. Вай мехка экскурсеш ю болх малагӏча боараме латт тохкаш, къоастаяьча бокъонга хьежжа дӏахьош дар из гӏулакх.
«№132-ФЗ «Российски Федераце туризмаца дувзаденнарех» йолча Федеральни бокъон 4.4 ст. гӏолла дӏахьош бар из болх. Бокъонга диллача, аттестаци дӏаяхьар лоархӏаме декхар да.
Гидий шоай балхацара кхетам лакхбеш, туристий бокъонаш лораеш, моттигера хьал туристий тӏалатта безам хургболча тайпара тоадеш дӏахьош да из гӏулакх», - дийцар «Сердалога» цу оагӏонцарча министерствон зарбан болх лелабераша.
Аттестаци хӏара бетта дӏахьош я. Карарча хана болх беш болча гидашта туризмаца дувзаденнараш малагӏча боараме довз хьагойт цу балхо. Хан-ханнахьа из дӏакхахьар тахан лоархӏаме да вай мехка.
Мехка тӏалатташ болча туристий бокъонаш лархӏар, шоаш бенача наькъа уж раьза хилийтар керттера да тахан цу оагӏонцарча балха юкъе.
