«Са хьамсара ГӀалгӀайче» яха гуллам бовзийтар мехкахошта
27.05.2025 12:46
Республикерча культуран оагӀон цӀихеза болхло, РФ йоазонхой Союза доакъашхо волча БӀарахой Ӏаддал-Хьамида байтех латта «Са хьамсара ГӀалгӀайче» яхача гуллама книжка довзийташ, кхетаче дӀайихьар къаман библиотеке. Из хоам «Сердалога» бир цу моттигера. Гуллама юкъеяхай автора Даьхенцара безам, йӀовхал, дега уйлаш йовзийташ йола байташ.
«Автора кхоллам безаш, цун начӀала лакха мах оттабеш мел бола новкъостий гулбеннабар кхетаче. ДӀахойодача хана а иштта хьинаре къахьега даькъалавийцар из библиотеке. ЧӀоагӀа дог айденна, тоам хинна вар байтанча», - дийцар библиотека болхлоша.
