Гӏалгӏайче дӏайихьар Афганистана, СВО тӏемай ветераний кхетаче
«Дика гӏулакхаш» яхача болама чудоагӏаш, Гӏалгӏайчен «Цаӏ йолча Россе» парте дӏайихьар Афганистана тӏема, Украине дӏахьоча лаьрххӏача тӏема операце ветераний кхетаче, яхаш, хоам бу «Сердало» газетага Гӏалгӏай Республике гӏолла йолча «Россе эпсараш» яхача юкъарлон моттиго.
«Паргӏата къамаьл деш, «Даьхен лорабой» ганза вахара дешашта тӏахьожача Коазой Хьамида, «Россе эпсараш» яхача моттигерча исполкома кулгалхочо Галай Руслана, шахьара кхела викалаша, СВО бӏухоша, иштта бӏухоша-интернационалисташа дийцар; кхувш йоагӏача тӏехьенна кхетам балара дешаш, цар белгалдир российски бӏухошта карагӏдаьннар дагалоаттадар лоархӏаме долга. Безаме, чай молаш, дӏайихьар шоай декхар сий долаш кхоачашдаьча бӏухошцара кхетаче», - аьлар хоамо.
Белгалду, кхетаче чакхйоалаш, Гӏалгӏай моттигерча тӏема бӏухой, тӏема гӏулакха заӏапхой цхьанкхетара кулга-лхочо Кхоартой Яхььяс, «Россе эпсараш» яхача моттигерча исполкома кулгалхочунна Галай Руслана «Афганистане декхар кхоачашдаь далара 30 шу дизар» яха юбилейни майдилг елар Советски Союза Турпалхочун Б. В. Громова цӏерагӏа.
