Балха наькъашца дувзаденна, лаьрххӀа Ӏомалуш хилар МЧС мугӀарашка къахьегараш
Р-217 «Кавказ» яхача федеральни наькъ тӀа автобуси ши машини вӀашкакхийттача санна оттадаьча хатаре, шоай кийчон болх малагӀча хьале ба гойташ хилар вай МЧС болхлой. Цу тайпара болх дӀакхахьара керттера декхар - моллагӀа хатар ийккхача моттиге шоай гӀулакх лакхача боараме чакхдаккха кийча хургболаш деррига довзар, шаьрдар.
«Кавказ» яхача наькъ тӀа дӀабихьар из болх. Наьсарерча № 6 йолча ишколе лозабаьрашта кӀийле кийчъяьяр, бӀайха кхача а бар цига царна Ӏалашбаь.
Республикерча Россе МЧС ГУ оттадаьчох, цу хатара юкъе нийсвеннараш 15 саг ва, 10 саг дикка лозаваьв, пхе сага вахар хаьдад. Лозабаьрашта хьалхара гӀо дир, тӀаккха хьатӀакхаьчача лорашка дӀаьбелар. Полице болхлой а бар цига шоай болх дӀахьош.
«Ӏан хана наькъашка хатар ийккхача; оарцагӀбаха, шоай декхараш боаггӀача боараме чакхдаха МЧС къахьегамхой кийча болга хьагойтар цу гӀулакхо», - дийцар тха газетага.
