«Турпала никъ» яхача программан Юкъарлен Кхела кхетаче дӀайихьар мехка
Даьхе лораеш лаьттарашта юкъера толашагӀбараш республикерча моттигашка балха оттабара тӀехьа йолча «Турпала никъ» яхача программан Юкъарлен Кхела кхетаче дӀайихьар мехка. Россе Президента чӀоагӀонца, «Турпалий Ха» яхача федеральни проектага гӀолла доаржадеш дола из гӀулакх, тахан лакха лоархӀам болаш долга белгалдир вай мехкадас.
«ТӀема операце доакъашхой – ГӀалгӀайчен кхоанарча вахара толашагӀа бола оагӀув ба», - аьлар кхетачен кулгал деш хиннача Келаматанаькъан Махьмуд-Ӏаьлас. Программан юкъе дакъа лаца дехар чуденнача 174 СВО доакъашхочоа юкъера хьахержараш 40 саг ва.
РАНХиГС говзанчашца къамаьл хулаш, доал дара моттигашка уж товргбий хьожаш, иштта кхыдола оагӀонаш юкъелоацаш, чӀоагӀа терко еш дӀабихьаб хоржама болх. Паччахьалкхен моттигашка доал дарах йолча Лакхарча ишкола РАНХиГС лаьрхӀа оттаяьча программага гӀолла кийчо еш хургба доакъашхой. Царга хьеж лекцеш, вебинараш, проектни балхаш, паччахьалкхен моттигашка болх Ӏомабар, иштта кхыдараш а.
