ГӀалгӀайче «Каштам» яхача гӀалай гӀовнашка хьежар
25.03.2024 19:11
ЖӀайрахьа-Эса-ЧӀожерча паччахьалкхен историко-архитектурни, Ӏалама музея-заповедника болхлоша культуран тӀехьален моттигий хьалаш тахкара бола болх дӀабихьар «Каштам» яха гӀала йолча, из я ТӀумхой-ЧӀоже, ГӀалашпхье юхе, йоах цу урхаллен зарбан болх лелабераша.
«Каштам» таханарча денна 12 гӀалах латташ я, цунна чудоагӀа 4 маьлхара каш, массехк хаьрца зӀамига гӀишло. «Нах чубаьха гӀалаш нийса саьнаш долаш я, цига доханза дисад тайп-тайпара кораш, наӀараш яьхка хинна саьнаш, иштта тӀемах лоравалара яь хинна кӀийле, юкъе лаьтта бӀоагӀий, гӀалашта юкъера йовкъамаш, кхыйола гӀишлон моттигаш», - аьлар музее-заповеднике.
Уж гӀишлош ГӀалгӀайчен культуран тӀехьален моттигашта юкъе йолаш я, иштта паччахьалкхено лораеш а я.
