Мах беча моттигашкара болх тоабеш латт
25.09.2024 10:38
Кхаьч-кхаьчача моттигашка дӀаувтташ, хӀама йохкаш дола гӀулакх боаггӀача боараме тоаде аьнна арабаьлар Роспотребнадзора, Россельхознадзора, ФСН, Минпромбувзама, иштта кхыча моттигашкара болхлой. Из хоам «Сердалога» бир республикерча Минпромбувзама болхлоша.
Къаьстта теркаме лаьцар машинаш лелача наькъий йистошка хӀамаш йохкаш латтараш, иштта цар тӀахьожам лоаттабу бохкаш болча кхачанна. «Наькъашта гонахьара кхерамзлен хьал, бохкача кхачан дикал боаггӀача боараме хилийтара тӀехьа дӀакхухьаш ба из болх», - белгалдир республикерча Минпромбувзамо.
