Моттигерча ӏадатех дола кхетама хьал тохка ловзар да мехка дӏахьош
Ардара бетта 29-ча денгара лайчилла бетта 3-ча денга кхаччалца, мехка дӏахьош хургда «Этно ӏQ: Гӏалгӏайче» яха кхетама хьал гойташ дола, къаман ӏадаташта, культуранна хетадаь ловзар. Цу гӏулакха хьалхаэттараш ба миннаца болхлой, «Хьалхарчара болам» яхача мехкарча оагӏонцара доакъашхой.
Дакъа лаца бех яхьашка дешара моттигашкара студенташ. Тоабашта бекъабала беза цар. Къаман юкъе тхьовра денз леладеча пхьарий гӏулакхех, цӏайх, оамалех, ӏадатех шоашта фу хов дувца дезаш ба къонабараш, иштта моллагӏча цхьан оагӏонцара гӏулакх мишта дӏахьош да хьахьокха деза цар.
Хьалхарча шин дийнахьа муниципальни оагӏонца дӏахьош я яхьаш, хӏаьта лайчилла бетта кхоалагӏча дийнахьа - республикански оагӏонца. Цул тӏехьагӏа цӏераш йоахаргья котбаьннарий.
«Цу кхетачен керттера декхар - кхувш латтача къонача тӏехьен дегашка къаман ӏадаташцара, оамалашцара, гӏулакхашцара, культурацара безам чӏоагӏбар, шоай даьй хӏама царга ӏомадайтар», - белгалдир Миннаце.
