ДӀахьош да инфекционни лазарашца къовсам лоаттабара кӀира
Республике инфекционни лазарех лоравалара кӀира дӀадахьара чудоагӀаш, Наьсарен берий дарбанчен, берий унахцӀенон Центра лора-педиатра Хаьшанаькъан Зинаидас цу деша хетаяь лекцеш дӀайихьар Наьсарен №3 йолча ишкола дешархошца, яхаш, дийцар ГӀалгӀай Республикан унахцӀенон Министерствон зарбан болх лелабераша.
Лора хьалхадаьккхар берашта, инфекционни лазараш яхилга фуд, уж мишта дӀа-юха дарж, мишта царех лоравала веза.
Массанена довзаш дола лазараш пунчи, хьаттараш, кӀигаш, кӀажъуха йӀовхараш, кхайкор, дифтери, сурхаш, цхьадола хьер, иштта кхыдараш а дӀадоалаш да цамогаш волчунгара могаш волча сага феца, шодаца.
Шергашта хула лазар, чен, вирусни гепатит А дӀа-юха даржаш да дуача хӀаманца. Цудухьа даар цӀена хилийта хьажа веза, цӀена йила хила еза юаш йола хӀама, ше чуӀеш волча моттиге цӀена хилийта еза.
«Инфекци ца хилийтара (маьхий тоха деза, цӀено лелаяра бокъонаш лорае еза, унахцӀено чӀоагӀъеш бола вахара никъ лелабе беза), юкъарлон профилактика лелае еза (цӀена а кхераме доаца а къахьегама хьалаш хьакхолла деза вахача моттиге а, иштта балха а, ишколашка а). Шоаш столове чудоалаш, кулгаш дила диц ма ле. Массахана цӀена а лостам болаш а хила», - аьлар Хьаьшанаькъан Зинаидас.
