ГӏалгӀай мехка дӀахьу «Зизай фестивала» шоллагӀа бӀал
27.07.2025 17:01
«Зизай фестиваль» яха яхь дӀахьу укх шера кхозлагӀа. Карарча хана комисси коашка отташ я, доакъашхоша шоллагӀча даькъе малагӀа толамаш доах хьожаш, цар мах оттабу шоай къаьсттача боарамах, царна юкъе да зизаш леладе а, царна Ӏунал де а хар.
«Хӏара шу массаза дала доакъашхой дукхагӀа хулаш боагӀа, царна гонахьара а, иштта цар доалахьара а лаьтта тоалуш, хозлуш доагӀа. Комиссе доакъашхоша белгалду, наха цу зизашца, дег чура хоза а хеташ, къахьегаш хилар. Из зехьа доврг а дац.
Хьалхара моттигаш яьхарашта дипломашца сертификаташ лургда 300, 200, 150, иштта 50 эзар сома. Ер бутт чакхбоалаш, вайна йовзаргья цар цӀераш», - аьлар «Сердало» газетага ГӏалгӀайчен юртбоахама министерстве.
