СВО турпалхоех бола гойтам хьабийллаб Гӏалгӏай мехка
СВО турпалхоех бола гойтам хьабийлкаб вай республикерча мехкахбаьхарий Мемориале. Украинерча тӏема операце дакъа лоацаш болча вай къаман турпалхой истори довзийташ йола моттиг хилар цох. Архивни каьхаташка, сурташка, видеошка гӏолла из деррига доаржадеш къахьегаш ба цига.
«Тӏема аренашка лелача вай къаман къонгаша гойтача деналах, майралах дукха дийцад. Паччахьалкхен лоархӏаме совгӏаташ луш, белгалбаьча турпалхой деноех дийцар гойтам дӏахьош хиннараша. Шоашта хьалхашкара декхараш дизза кхоачашдеш, вай къаман цӏи дӏайовзийташ латта деналах, майралах бизза бола къонгаш ба уж», - дийцар «Сердалога» мехкарча МКЖР.
Гойтаме хьавеначун аьттув ба яхь йолча къонгий сурташка, каьхаташка хьажа, цар тӏема истори ма дарра довза. Боккха болх бар мехкарча МКЖР дӏабихьар цу гойтамга кийчо еш.
