ӏаьржача хиво зе дергдоацаш бола болх беш ба
ГӏалгӀайче дӀахьош ба, доккхий хиш доагӀача хана, доазув лорадара болх, яхаш дийцар «Сердало» газетага ГӀР Кулгалхочун зарбан болх лелабераша.
«Тха декхар - хьалххе а цу деша кийчо яр, чоалхане хьал цанийсдалийтар. Дӏадихьача балхаша хьагойтар из гӏулакх пайдане долга. Цунца цхьана гидротехнически гӀирсаш леладара хьал дӀахо дикка дегӀадоаладе дезаш да. Цу даькъ тӀара деррига хаттараш кӀийле йолаш а, ахчанца Ӏалашо яь а хила деза, хӀана аьлча наьха кхерамзлен Ӏалашо яра хаттар да тахан вайна хьалхашка латтар»,- аьлар республикан кулгалхочо Келаматанаькъан Махьмуд-Ӏаьлас, ше цу балхах дувцаш.
Мехка, хин гӏишлошкара хьал тохкаш да, хина бердий йистош кӀоаргьеш, бердаш чӀоагӀдеш дола балхаш дӀахьош да. Дӏадахача шера кхоачашдаьд цу тайпара балхаш Яндаре, Эса хи тӀа, иштта Сурхо хи тӀа. Уж балхаш даь хиларах бӀаьш болча наьха цӀеношка, кхыча инженерни гӀирсашка, вахара моттигашка хий чухьадара кхерам юхатехар.
Ара этта хаоттам дӀа а лоархӀаш, ер бутт чакхбаллалца республике боахамашта юкъера кийчон хьалашка хьожаш болх дӀахьоргба.
Из наьха кхерамзле лораяра ца дича даргдоацар да.
