Гӏалгӏай мехка дийцар, «Хьехархочун эздела турпалал» яхача яхьах
Гӏалгӏайчен дешара, ӏилман Министерстве дешара семинар хилар, цига дийца керттера дош дар, хӏара шера дӏахьош йола берашца, кагирхошца 20 шера болх беш болча хьехархой балха даькъ тӏа «Хьехархочун эздела турпалал» яха Ерригроссийски къовсама ХХӏ дакъа дӏадахьарах.
Из болх дӏахьош да Эрсий Православни Киназ, Россе дешара Министерствоца цхьана, РФ Президента Администраце хьаллоацаш, из дӏаболабеннаб наджгоанцхой бетта 9-ча дийнахьа. Керттера терко тӏайохийт кхетам балара, ди чӏоагӏбара.
«Цига веза хьаьша вар Иерей Андрей Мюссюра - Шолжа-Гӏалан епархе дешара, эрсий дин хьехам бара даькъа кулгалхо. Семинар дӏахьош, цо белгалдир мел лоархӏаме да из яхь дӏаяхьар дин кхетам балара оагӏонга диллача, кагирхошта из тахан эггара чӏоагӏагӏа эшаш да. Гӏалгӏайчен дешара, ӏилман говзанчаша семинара практически оагӏон цхьа дакъа дӏадихьар, цунна чудоагӏаш къоастадир яхьа балхаш кийчдар, уж лостамах леладара гӏулакх», - аьлар дешара министерстве.
Семинара доакъашхоша белгалдир, таханарча замах лоархӏаме да кхетам балара, дешара оагӏорахьара дикагӏа моттигаш хьалхайоахаш хилар. Кхетаче дӏахьош хоадам болаш техкар яхьан балхаш, иштта дийцар доакъашхой дӏаязбарах, яхьан доакъоех.
Семинар вӏашагӏъеллараша белгалдир, «Хьехархочун эхь-эздела турпалал» яха яхь - из хьехархошта юкъера балха говзал шоайла эцара йола таро я. Цу тайпара вӏашагӏкхетараш дӏахьош хиларо таро лу, ӏадатий ларда тӏа дешара моттиг хьакхолла.
