Тохкаш да ах миллион сом вахар хьаллаца лу ахча лочкъадар
17.06.2026 10:56
Россе МВД «Малгобекский» оалача МО тохкама даькъо дӏадоладаьд, Гӏалгӏай Республикан МВД угрозыскеи ФСБ викалашеи баьча белха ларах 31 шу даьннача Магӏалбике яхархочоа духьалара гӏулакх.
«Тохкамхоша цунна тӏатеттар да, электронни гӏирсашца цо тийшаболх баь, 2020 шергара 2025 шерга кхаччалца, бокъо йоацаш, хӏара бетта берий ахча хьаийдар. Ма дарра аьлча, кхыча паччахьа кара ший дезалца яхаш йоллаше а, Россе бахархошта мара доагӏаш доаца ахча хьаийдаьд цо», - йоах хоамо.
Бокъо йоацаш цо леладаьчох, Россе пенсионни Ганзаи соцстрахаи 540 эзар сома зе хиннад.
