«Дугенаькъан Адам ва из проект дагаехар, нагахьа санна Федеральни кагирхой агентство новкъостал дойя, из дукхагӀча даькъе накъаяргья цхьадолча бахьанех гӀалгӀай мотт ца ховча берашта. Цун маӀан да, бераша зӀамигача оакхарий новкъосталца тайп-тайпара хӀамаш хьакхоллаш хилар: цӀа, пхьегӀаш, ловзоргаш, кхы а дуккха хӀамаш.

Уж хӀамаш вӀашагӀтоха таро хургьяц цар, нагахьа санна цунах бӀарчча дош хьахулаш ца хилча. ДукхагӀа йола ха цу гӀулакхо дӀалоац цу зӀамигача оакхарий гӀонца дерригача алапашта юкъера нийса хургдола алапаш лохаш (дош хьалахара кхыйола хӀамаш йохае а йиш я). Берашта цаховр хьалхадоаккхаш йола моттиг а я цу юкъе», — аьлар хоамо.

Дугенаькъан Адама яхачох, цун командо лаьрхӀад, цкъа хьалхагӀа андроид-платформа арахеца, цул тӀехьагӀа айфонаш лелаерашта лаьрхӀа йола оагӀув хьае.