Хиво Ӏовихьа кӀаьнк коравир Шолжа чура
16.05.2025 22:17
2025 шера маьтсела бетта 16 дийнахьа, Наьсарен кхален Пхьилекъонгий-Юртарча Шолжа хи чура хьакоравир 2020 шера ваь кӀаьнк. Из моттиг нийсъяларах бола хоам бера ГӏалгӀай Республике гӀолла йолча МЧС Керттерча урхаллене, 17 сахьат 15 минот яьлча.
Сиха вӀашагӀъеллар лахара-кӀалхарваккхара йола тоаба, цига дакъа лоацаш вар МЧС 41 болхло,11 техника. Царех иштта хьакхийтар лоӀамхой, уж вар 500 совгӀа саг.
Иштта чӀоагӀа оарц даьккхадале а, 21:00 сахьат доалаш мара кӀаьнк кораванзар, из цу хана дийна хилара белгалонаш гойташ а вацар. Лахара-кӀалхарваккхара балхаш чакхдаьлар.
