СКФО гӀолла хьаийцача, устагӀан дулха мах вайцига эггара лохагӀа ба
26.07.2024 22:39
ГӀалгӀайче эггара лохагӀа ба устагӀан дулха мах, Къилбаседа Кавказе гӀолла хьаийцача. Цох хоам бу Кавказ РБК, мах бара йолча урхаллено йоах, аьнна, чӀоагӀдеш.
ГӀалгӀайче, устагӀан дулха кийлах 687,6 сом дех. Лоалахарча республикашка-cелашкахьа, нохчашкахьа - кӀимарса бетта 22-ча денга кхоачаш 731,6 сом.
Юкъера хьаийцача Къилбаседа Кавказа федеральни куран тӀагӀолла - 737,9 сом.
Эггара лакхагӀа мах ба устагӀан дулха Къилбаседа ХӀирийче. Укхаза цхьан кийлах 843,8 сом дех», - йоах хоамо.
