Хьалххе кийчо еш ба, аренашка ювла цӏераш йоае
ГӏалгӀайче хьалххе а кийчо еш я 2026 шера цӀи ялара кхераме хьал юхатохара, юрташка бахача наха кхерамзленца Ӏалашо яра, яхаш, хоам бу «Сердало» газетага ГӀР Кулгалхочун зарбан болх лелабераша.
Федеральни а доал деча даькъ тӀарча а цу лостамагӏарча болхлошца цхьана, аренашка цӀераш ялара хьал юхатохара лаьрххӀа йола план оттаяьй. Цӏера духьалара болх дӀаболабергба бекарга бетта 1-ча денгара ардара бетта 31-ча денга кхаччалца. Белгалъяьхай лаьрххӀа йола терко тӀаяхийта еза юрташ», - аьлар мехка кулгалхочо Келаматанаькъан Махьмуд-Ӏаьлас.
Хьалхашка латта декхараш кхоачашде республике да 13 федеральни цӀера духьаларча балха дакъа, РСЧО низ ба – 2,5 эзар саг совгӀа, иштта 400 техника я. Карарча хана, ГӀР аргӀанара болх дӀахьош ба цӀи ялара духьалара болх боаржабеш, цун материальни оагӀув ший ханнахьа тоаеш.
Макшарипа Махьмуд-Ӏаьлас белагалдир, цӀи ялара кхерам лакхлуш хиларга хьежжа доацаш, нах бовр лохденнад – из да эггара керттердар.
Цӏера кхерамзленна духьале е ӏомалуш бола болх республикан хӀара моттиге дӀахьоргба.
