СВО доакъашхой, цар цӏагӏарча наьха унахцӏено цахаддаш хьаллоац мехка
СВО доакъашхой, цар цӏагӏарча дезалий могашала терко лоаттаеш, могаш дола гӏо де хьожаш ба мехка. Из хоам «Сердалога» бера мехкадаь зарбан болх лелаберашкара.
«Тахан сона чӏоагӏа лоархӏаме да, тӏема операце доакъашхошта, цар цӏагӏарча наха дегӏа хьал меттаоттаде гӏо лоаттадеш хилар, цу оагӏонца царна лакхача боараме терко лоаттаяр», - белгалдир вай Мехкадас. Цу гӏулакха тӏехьа вай мехка дӏахьошбар боккха болх ба тахан.
2024-2025-ча шерашка Сурхо тӏарча «Ветераний цӏагӏа» дегӏа могашал меттаоттаеш хилар СВО доакъашхой дезалашкара 86 саг. Иштта лорашка гӏолла чакхваьлар 1004 саг, 707 сага квоташка гӏолла дарба дир тайп-тайпарча моттигашка.
Цул совгӏа, мах боацаш, стоматологаш болча дарба чакхдаккха аьттув ба цар. Хӏара денна тӏаийбеш латт уж Жӏайрахьа кхален дарбанче, Магӏалбикерча, Шолжа-Шахьарерча республикански клинически дарбанчешка. Поликлинике, кхыйолча дарбанче чакхбала безарашта эшаш дола гӏо лоаттаду мехка. Бахархошта аттагӏа хургдолаш, лорий машинаш я хӏара юрта, шахьара моттигашка дӏа-хьа ухаш. Шоаш бахача моттиге дӏатӏабаха, чакхбала аьттув лу цу гӏулакхо.
«#МЫВМЕСТЕ» яхача боламга гӏолла новкъостал хиннараш 221 саг ва. Вай Мехкадас теркалдир, тӏема операце доакъашхой цӏагӏарча хӏара сага лакха терко лоаттаяр, гӏо дар лоархӏамеча декхарех долга.
