Гӏалгӏайчен лаьтта дӏахьоргья мехкашта юкъера гӏазкхий культуран фестиваль
Гӏалгӏайчен столице - Магасе йоккха мехкашта юкъера гӏазкхий культуран фестиваль хургья. Из лоархӏаме этнокультуран моттиг хетаю Россе къамий цхьоагӏон Шу хилара. Проект лаьрхӏа я къамашта юкъера барт чӏоагӏбара, ӏадатий мах бараш доаржадара, мехкашта юкъера бувзам лелабара.
«Из цӏай дӏахьош хьалхарча аргӏагӏа де дезачох, цун кийчонах лаьца дийцар Гӏалгӏайчен Миннаца министраца Мизенаькъан Русланаца, Россе ФАДН Халкъашта юкъерча урхаллен викалца Фомченков-Бровко Олегаца. Оагӏонаша терко тӏаяхийтар хьаьший тӏаэцара, керттера кийчон гӏулакх дӏадахьара», - аьлар «Сердало» газетага моттигерча Миннаце.
Цига керттера дакъа дӏалоацаш хургба начӏал дола гӏазкхий кагирхой, кхоллама тоабаш. Уж боагӏаргба Гӏалгӏайчен столице Даькъастен федеральни куран тайп-тайпарча миӏингашкара, Гӏирман Республикера.
Иллей программа гойтарал совгӏа, республикан бахархошта, хьаьшашта боккха гойтам кийчбаьб. Безам бар го йиш йолаш ва гӏазкхий вахара ӏадаташ, кулгаговзал, мах бола культура, иштта кхы дуккхадараш.
