Кулгаш гӏортадарах чемпионаца «Классера кхетаче» дӏайихьар дешархоша
Кулгаш гӏортадарах чемпион волча Саганаькъан Ибрахӏимца кхетаче дӏайихьар, Йоккхача Ачалкхерча № 17 йолча ишколе. «Истола паччахь» яхача лиге котало яьккха саг ва Ибрахӏим. Эггара толашагӏчарех ва, аьнна, белгалваьв вай мехкахо яхьашка.
«Спорте ше мишта кхаьчар дийцар дешархошта спортсмена, иштта гойтама болх дӏабихьар царца. Берий дукха хаттараш хилар Ибрахӏимга: кулгаш гӏертаде маца волавеннав? масса шера къахьега деза чемпион хила? спортсменаца эггара чӏоагӏагӏа хила езараш малагӏа оамалаш я? - из деррига ха безам болаш бар къонабараш. Деша ваггӏашехь, спортаца бувзам лелабе аьттув хургбий, яхаш, хеттар цун никъ безабеннараша.
Ший вахара наькъ тӏа нийсденнарех, шийна байзача спортсменех, иштта кхыдарех дувцаш ха дӏайихьар спортсмена берашца. Бераш чӏоагӏа раьза долаш дӏаяхар из сайре. Белгалде деза, иштта йолча кхетаченаша кхувш латтача къонабарашта дикка пайда белга, цар дог ураоттаделга.
