Гӏалгӏайчен ЦПЭ болхлоша экстремистки гӏулакхашта духьалара кхетаче дӏайихьар кагирхошца
Гӏалгӏайчен дешара моттигашка экстремизма духьалара хьехама болх дӏабихьар. Из кхетаче вӏашагӏъеллараш бар Гӏалгӏай мехка гӏолла йола Россе МВД ЦПЭ болхлой. Кхетам балара балха юкъе дакъа лоацаш хилар Гӏалгӏай паччахьалкхен университета студентий юкъарло, иштта Шолжа кхален Галашкара юкъарча дешара ишкола дешархой.
«Студенташта, дешархошта буклеташ дӏадийкъар, цу тӏа бар экстремизма духьала къовсам лоаттабара, кагирхой харцахьарча наькъ тӏа бахара леладеш дола гӏулакх юхатохара бола хоам. Цу тайпара болх кхувш йоагӏача тӏехьенца дӏахьу Гӏалгӏай Республике гӏолла йолча чурча гӏулакхий министра, полице инарал-майора Котов Владимира аларах. Иштта ЦПЭ болхлоша наькъа инспекторашца цхьана ДПС ха тӏа дӏадийкъар республикан водителашта лаьрхӏа хоам тӏабола буклеташ», - аьлар «Сердало» газетага МВД зарбан болх лелабераша.
Во гӏулакхаш юхатохара кагирхошца даим болх дӏахьош хила беза. Цо таро лургья кагирхой балха оагӏонца дикагӏа дегӏакхувла.
