ГӀалгӀай къаман
юкъара газет

Новости


Гӏалгӏайчен МВД лорий даькъ тӏара болхлой бехке бу куташ лелаярах

Гӏалгӏайчен МВД лорий даькъ тӏара болхлой бехке бу куташ лелаярах

Гӏалгӏайчера Россе СК лаьрххӏа дола доккхий гӏулакхаш тахкара йолча урхаллен хьалхарча даькъа тохкама болх лелабераш дӏахьош ба, республикански МВД лорий-санитарни даькъ тӏара кхаь кулгалхочун духьалара уголовни гӏулакх. Уж бехке бу цар доккха къоал дарах.

«Тохкама болх дӏахьочар яхачох, 2023 шера лайчилла бетта денз 2025 шера маьцхали беттага кхаччалца, лорий-санитарни даькъ тӏа кулгалхочун декхараш кхоачашдеш волчо, цу урхаллен психофизиологически диагностика центра кулгалхочунца цхьана, бокъонах доацаш лор-психиатр балха оттаваьв, аьнна, каьхаташ вӏашагӏдехкар, бюджета ахча лочкъадара. Шоаш лаьрхӏар кхоачашдара, балха табель тӏа цар хӏара бетта харцахьара хоамаш деш хиннад. Лор-психиатр ший декхараш кхоачашдеш хиннавац, бакъда цун карта тӏа ший ханнахьа алапи хьатӏадоагӏаш хиннад. Цу тайпара даьккха ӏаьдала 1,3 млн сом ахча цар шоай гӏулакха дӏадахийтад, Российски Федераце бюджета доккха зе а деш. Цу кхаь сага духьалара уголовни гӏулакх хьадийллар, уж бехке бу цу гӏулакха», - аьлар «Сердало» газетага Гӏалгӏайчен тохкама комитете.

Тохкама болх дӏабахьара чудоагӏаш, комитета болхлой массайолча оагӏорахьара хьем боацаш лахара болх беш ба, хиннар ма дарра тохкаш, цу юкъе кхыбола гӏулакхера нах бий хьожаш ба дӏахо.

Из гӏулакх дӏадоладир, уголовни гӏулакха материалаш ларде а лоацаш, уж гулйир мехка МВД ший доалахьарча хьем ца беш лахара даькъага гӏолла, Гӏалгӏайче гӏолла йолча УФСБ болхлоша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх