Шекар лакха долаш, лазар дарашта гӏо лоаттаде дагахьа къахьегаш ба мехка
Шекар лакха долча бахархой оагӏув хьаллацара тӏехьа, къахьегаш ба мехка. Из хоам «Сердалога» бир мехкадаь зарбан болх лелабераша.
«Къаьстта йоккха терко лоаттаю дарбанчешкарча диабета ишколашта. Цига унахой цӏагӏарча наьха дегӏацара шекар диста, малагӏа кхача баа беза, сенах лоралуш хила беза хьалхадоаккх.
Федеральни проектага гӏолла, «Паргӏата, хьинаре вахар» яхача Россе Президента юкъеяьккхача къаман проектага гӏолла дӏахьош ба из болх. Къаман проектага гӏолла цу оагӏонцара хӏама тоаде аьттув ба вай тахан», - аьлар мехкадас Келаматанаькъан Махьмуд-ӏаьлас.
Карарча хана унахцӏенон оагӏонцарча пхе моттиге я диабета ишколаш болх дӏахьош. Мехкара 3 эзар совгӏа бола бахархой чакхбаьннаб царех. Къаьстта терко лоаттаю зӏамигача унахошта.
Таханарча дийнахьа 150 бера дегӏацара шекар дуста гӏирсаш деннад. Диабет яха лазар ца даржийтара духьалара болх ба мехка дӏахьош, ма хулла бахархошта де дезар хьалхадоаккхаш. Из лазар дегӏаца леладерашта; боаггӏача боараме дарба лоаттаде, гӏо де хьожаш ба унахцӏенон оагӏонца.
