Гӏалгӏайче хьакхоллаш я «БАРС» яха лоӏамхой тоабаш
Гӏалгӏайче лаьрххӏа хьакхолла йолайир «БАРС» яха лоӏамхой тоаба. Из вӏашагӏйоллара керттера бахьан да мехка кхерамзлен ӏалашо чӏоагӏъяр, из лораяра кийчо лакхъяр. Лаьрххӏача ӏалашон бӏухоша шоай теркама юкъеэцаргья даькъ тӏара керттера гӏишлош, цар къовсам лоаттабергба гӏетташ йолча аппараташца, ӏалашо ергья республикан бахархой маьрша вахар хилийтара. «БАРС» яхача тоабаша вӏашагӏболлача керттерча балхах дийцар Гӏалгӏайчен тӏема комиссариата нах тӏахьехара даькъа кулгалхочун гӏончас Мархенаькъан Къурейша.
Тхоца къамаьл даьчо яхачох, «БАРС» яхача тоабаца хила безам барашца тӏема даькъ тӏарча кулгалхоша лаьрххӏа йола контракт чӏоагӏъю. Белгалду, цу тайпара амал дераш даим цига хила безаш бац - массаза санна уж шоай цӏагӏа хургба бахаш а, шоай вахарера гӏулакхаш кхоачашдеш а. Цу юкъе лоӏамхошта лаьрххӏа дола ахча хьа тӏадоагӏаш хургда хӏара бетта, из да 6 эзар сом.
«БАРС» яхача подразделене мугӏарашка отта йиш йолаш ба Российски Федераце, карарча хана запасе бола, могашал йола, ерригача харжара оагӏонех чакхбаьнна нах.
Лоӏамхошта паччахьалкхен новкъостала хьалаш лаьрхӏа да, цу юкъе лорий страховка а йолаш. Из доацаш а, из амал дӏахьош мел йолча хана, цар массазара балха моттиг а лораю.
