Хатарех нах кӏалхарбоахараша шоай балха говзал гойтар,«Кхерамзлен ишколерча» котбаьннарашта
Республикан «Кхерамзлен ишкола» яхача яхье котбаьннарашта «Тоаркхо» яхача кӏалхарбоахарий тоабо ший балха говзал гойтар, царна говзанча хьехамаш луш. Берашта хьалхадаьккхар де дезар, нагахьа санна саг хиво ӏохьош хилча эггара хьалха ха дезар фуд. Говзанчаша довзийтар «112» номерах телефон тохар а, сиха кӏалхарваккхар а мишта хила деза.
«Кӏалхарваккхара йолча тоабо иштта белгалдир техника нийса лелаяр, хиво ӏохьош латтар нийса араваккхар, из лоза ца веш хьалацар. Къонача доакъашхошта довзийтар, гӏалат юкъе а доацаш, сага нийса са мишта доах, дего болх мишта бу хара де дезар», - аьлар «Сердало» газетага Гӏалгӏайчен чоалханеча хьала боахамо.
Хи тӏа нийслуш дола хатар юстардаккхара, саг нийса кӏалхарваккхара хьалхара новкъостал берашта довзийтар, уж шоаш лоралуш хургбола никъ царна гойтар лоархӏаме да. Цо таро лу ондаргашта наха новкъостал де сихагӏа ӏомабала, шоай вахар а кхераме доацаш дӏадахьа, эшача новкъостала баха.
