Ахархой бизнесаца дувзаденнараш шаьрдеш ба вай мехка
«Кхачанца дувзаденнарий хьал технологически оагӏонца тоадарах» йолча къаман проекта «АПК болх» яхача федеральни проектах дӏайихьача кхетаче дакъа лоацаш хилар вай мехкарча юртбоахама гӏулакхех йолча министерствон, дешареи ӏилмани гӏулакхех йолча министерствон, Наьсарерча ахархой техникума болхлой.
«Видеогойтамга гӏолла дӏайихьача кхетаченна кулгал деш бар РФ дешарах вола министр Кравцов Сергей, РФ юртбоахама гӏулакхех йолча министерствон хьалха латта Лут Оксана», - дийцар «Сердалога» вай мехкарча юртбоахама болхлоша.
Цу оагӏонцара дешара хьал дикка тоадарах, къахьегачар кхетама хьал лакхдарах дийцар кхетаче. Вай мехкарча ишколашка агротехнологически оала классаш хьаелларах, иштта СПО программаш йоаржаярах дийцар хьакимаша.
Белгалде деза, иштта йолча кхетаченашка дакъа лацар, кхыбарашкара пайдане хургдараш хьаэцар, ӏомадар тахан вай мехка къахьегарашта геттара лоархӏаме долга. Мехкарча ахархой оагӏонца дувзаденнараш тоадара тӏехьа эшаш да из деррига.
