Гаьге Гӏалаш яхача моттигера гӏалаш шозза дукхагӏа я тахан
«АСМ Групп» болхлой гӏалай юрташка къахьегаш ба карарча хана. Къаьнара, хьалхагӏа йовзаш хиннайоаца моттигаш хьалехаш, «САФМАРА» ганза ахчах вӏашагӏбеллача электронни оагӏон уж юкъехьош болх ба цига тахан дӏахьор. Культуран оагӏонца лоархӏаме йола моттигаш дӏа ца ялийта леладеш гӏулакх да из. Паччахьалкхен оагӏонца меттайоалае аьттув хургба, цхьан хана кура бовхьаш долаш уралаьтта, тахан хаьрца, дӏайоалача кхаьча гӏалаш.
Гаьге Гӏалаш яхача доазон тӏа къахьегаш боахк тахан «АСМ Групп» доакъашхой. Кӏалха хиннача 11 гӏаланна ӏотӏакхийтар кхы а 9 керда гӏала. Цу юкъе да малхара кашамаш, Эса бердагахьа уллача моттигера 3 чурт.
Лоаман моттигашкара гӏалаш лораярах йолча Комитета болхлоша тохкама болх дӏахьош латт цу оагӏонца. 90 денах латтача хана къахьега дезаш болх ба керда гучаяьннача гӏалаш, кхыйола цу оагӏонцара моттигаш Цаӏ йолча реестра юкъеяхьар.
