Республике тоабе болабаьб лоархӏаме никъ
Гӏалгӏайче цӏенхаштта тоабе дӏаболабир «Кавказ-Илдарха-Гӏала- Юкъера Ачалкхе-Гӏайрбика-Юрт» оала никъ, яхаш, дийцар «Сердало» газетага ГӏР Кулгалхочун зарбан болх лелабечо.
«Со тешаш ва, тоабаь баьнначул тӏехьагӏа из никъ аттагӏа а, дӏа-хьа вахара кхераме боацаш а хургхиларах. Цу тайпара проекташ наьха вахара хьалаш тоадара лаьрхӏа я, цудухьа оаха дӏахо а наькъаш тоадара терко ергья», - аьлар Келаматанаькъан Махьмуд-Ӏаьлас.
Белгалбаьккха никъ лоархӏаме ба Илдарха-Гӏаланна, Юкъерча Ачалкхенна, Гӏайрбика-Юрта, лоалахарча юрташка бахача наха, хӏана аьлча хӏара денна, региона дукха бахархой цу наькъ тӏа гӏолла балха, деша аха безаш ба.
Республикан ӏаьдало теркалдир из никъ тоабар дехаш бахархоша даь кхайкарал. Говзанчаш, болхлой къахьегаш ба, 8 километр бӏаьха никъ тоабеш. Цар беррига никъ тӏера кердабоаккхаш асфальт булларгба, наькъа такилгаш ӏодоахкаргда. Цу юкъе кхерамзлен оагӏув а дӏалоархӏаш.
Из болх ше-ший аргӏанна бийкъа ба, цо ӏалашо ю транспорт паргӏатта лелара.
