Мехка дӏайолайир, гӏалгӏай мотт лорабара лоархӏаме проект
«Ихсан» яхача ганзо, культуран гӏулакхий Президентски ганзо хьал а лоацаш, дӏайолайир культуран-дешара проект. Из лаьрхӏа я гӏалгӏай мотт, халкъа багахбувцам дегӏабоалабара. Из гӏулакх дӏахьош керттера дакъа дӏалоацаш я Гӏалгӏайчен Янданаькъан Жамалда цӏерагӏа Къаман библиотека. Цу проекта чудоагӏаш, «Фаьлг» яхача къаман звукозаписе хьакхеллар тамашийна таьрахьий архив. Цу юкъебоагӏаш ба 20 гӏалгӏай фаьлг. Уж дӏаяздаьд профессиональни дикал йолаш, мотт лебара оаз лораеш. Иштта хьакхеллад къаман ӏадатий сюжетех латташ дола тӏехьа къамаьл доаца фильмаш, цар таро лургья берашта гӏалгӏай мотт дикагӏа ӏомабе.
«Бераш цу юкъе дакъа лоацаш хилар керттердар: фаьлгашта тӏехьара къамаьл дераш ба, лакха говзал йолча дикторашца цхьана, республикан тайп-тайпарча кхалений дешархой. Уж дӏаяздарах берашта боккъонца дола метта хьал довзар хул; из цӏагӏа, деша, ишколашка, кружокашка леладе деза.
Уж гӏирсаш юкъедоаладу ахкан ханашка, дешара моттигашка: аудиосказкаш, мультфильмаш леладу лагерашка, тӏехьара тӏа долча дешара центрашка, берий беша, ишколашка. Хьехархоша юкъедоаладу уж гӏалгӏай метта урокаш луча хана, классера сахьаташ дӏахьош, тематически кхетаченаш йолаш», - аьлар «Сердало» газетага Гӏалгӏайчен Паччахьалкхене.
Проекта лоархӏаме декхар кхоачашду вай заман техника, гойтама кӏийле хьакхоллара. Цо таро лу гӏалгӏай къаман культуран тӏехьале лорае, иштта зӏамига йолча хана денз кхувш йоагӏача тӏехьенна гӏалгӏай дош дезадалийта.
