«Велакъажар лу совгӏата» яха дикача гӏулакхий болх ба вай мехка боаржабаь
19.09.2026 15:07
Тов бетта 20-ча денгара 25-ча денга кхаччалца гӏо деш бола боккха болх боаржабеш ба вай мехка. Россера, Туркий мехкара, Беларуссера, Италера, Узбекистанера, Америкера, Кореера цӏихеза, лакха говзал йола хирургаш ба вай мехка боагӏараш. Цу тоабан хьалхаэттар ва «Велакъажар лу совгӏата» яха гӏо деш йола ганз хьакхелла, «Дунен лор» аьнна цӏихеза вола Баиев Хьасан.
Вай мехка чӏоагӏа лоархӏаме, хам баь варгвоацаш болх ба цар дӏахьор. Юхьа тӏа цхьацца сакхаташ долча, доагамах диса муаш долча наха операци еш хургба уж. Операци е езараш хьахоржаш бола болх кхоана ӏуйран ийс сахьат даьлча дӏаболабергба, хӏаьта 21-ча дийнахьа денз, операцеш дӏайолаергья. Дийца варгвоацаш доккха дика да из, операци эшаш болча наха.
