Коммунальни оагӏонца хатар хилча, хоам бу гӏирс тохкаш ба мехка
«Аьрзи» яхача МЧС тоабан доакъашхой тока, ЖКХ моттигашка моллагӏа хатар хилча хоам беча гӏирсий балхага хьожаш, деррига тохкаш хилар тахан. Ставрополерча МЧС керттерча оагӏонга хьалхале йолаш, дӏахьош ба из боккха болх. ЖКХ оагӏонца моллагӏа тайпара хатар ийккха болх хуле, кийчон хьал миштад хьожаш бар уж.
Дӏабихьача балхаца оттадаьчох, Наьсарен оагӏон тока саьргаш ӏолегаш, подстанце доккха хатар отташ, 25м/с йолаш мух хьекхаш, ша тохаш, ди детташ догӏа денад. Пхи саг лозаваьв цу юкъе. Ток йоацаш дисад 3610 цӏа, 10 гӏатах латта квартирий цӏенош, массехк ишкол, дарбанчеш. Россе мехкарча МЧС болхлошка кийча хила, аьнна, кхайкарал даьд; дӏахьоча балхаца оттадаьчох. Этта хатар юстардаккхара тӏехьа РСЧС боккха болх дӏахьош ба. «Сердалога» из хоам бир мехкарча МЧС болхлоша.
Белгалде деза, иштта болх дӏакхахьар чӏоагӏа лоархӏаме долга. Къаьстта терко лоаттаю, моллагӏа хатар ийккхача МЧС болхлой цу сахьате кийча хила безаш хилара. Хӏара доакъашхочо ший декхар мишта кхоачашдир белгалдеш хургба цу балхага хьожаш хиннараш.
