Гӏалгӏай мехка хьадийллар, СВО бейнача бӏухошта оттадаь сийленг
Шолжа-Шахьара керттерча парке лаьрххӏа хьадийллар тӏема операце доакъашхошта оттадаь сийленг. Из лаьрхӏа да бӏухой майрал, денал, цар Даьхе бахьан гойта турпалал диццадалийтара, уж даим вай дегашка хилийтара. Из кхетаче дӏахьоча дакъа лоацаш хилар республикан кулгалхой, бӏухой, юкъарлон викалаш, ветераний цхьанкхетараш, дин викалаш, кагирхой, иштта бӏухой гаргара нах, цар дезал. Сийленг хьаделлараш бар Гӏалгӏайчен кулгалхо Келаматанаькъан Махьмуд-ӏаьла, Россе Турпалхо Хьоашаланаькъан Султан.
Гулбеннарашта хьалхашка къамаьл деш Махьмуд-ӏаьлас белгалдир, цу сийленга лерхӏам боккха хилар. Цо аьлар, из сийленг- вай кӏоаргача дагалоаттама, вай мохк лорабеш лаьттача бӏухой лерхӏама белгало я.
Сийленг хургда; вай бӏухошта карагӏдаьннар, цар денал, майрал белгалдеш. Вай декхар да - хӏара турпалхо дагавоагӏаш хилар, из дагалоаттам вай тӏехьенга балар.
Цига дакъа лоацаш хиннараша, бӏухой сий дир йист ца хулача Минотаца. Шолже хьадийллача кердача сийленгах, Гӏалгӏайчен кагирхошта тӏема-патриотически кхетам балара лоархӏаме юкъамоттиг хургья.
