Кхаь дийнахьа мархий цӏай дездеш хургба мехка
16.03.2026 10:32
Мархий цӏай дездеш дола укх беттара 19, 20, 21-гӏа кхо ди салоӏаш хургда, аьнна, соцам беча каьхата кулг яздир вай мехкадас Келаматанаькъан Махьмуд-ӏаьлас. Из хоам «Сердалога» бир мехкадаь зарбан болх лелабераша.
«ӏаьдала болхлой, иштта муниципалитетий декхараш белгалдеш болх дӏабихьаб», - язду ший Телеграм - оагӏон тӏа Келаматанаькъан Махьмуд-ӏаьлас. Цӏай дездеча деношка, боаггӏача боараме хий, ток, газ хила еза бахархошта.
ӏаьдала болхлошта тӏадиллад; республикера хьал лорадара тӏехьа геттара фийла хила беза, аьнна.
