Путин Владимиргара даькъалаювцаш каьхат дӏаделар, тӏемахошта гӏо деш хиннача мехкахочунна
Россе Президентагара даькъалаювцаш, каьхат кхаьчар Наьсарен кхалерча вай мехкахочунга. Тахан 90 шу дузаш я Долакха-Юртара Ида Ивановна. Наьсарен кхален администрацена хьалха латта Овшанаькъан Мухарбик, юртарча администраце кулгалхо Тиймарзанаькъан Муса бахабар из йолча, Россе паччахьагара каьхат ийца.
«Сийлахь-боккхача тӏема шерашка, котало гаргайоалае гӏерташ лаьттарашта, низ дӏа ма кхоачча гӏо деш хиннай из. Мехка, тӏема эшаш долча гӏулакхашка лаьттаб ала деза цу нахах. Дог делаш, иразе, могаш, маьрша йолаш яха даькъалайийцар из хьаьшаша», - дийцар «Сердалога» администраце.
Фашистий наькъаш тедаш, из вай лаьтташкара аравоаккхаш лаьттарашта гӏо деш хиларах; доккха баркал аьлар Идайна. Шоай мел дола денал ураоттадаь къахьийгараш бицбе бокъо яц вай тахан! Цар никъ бовзаш хила еза къона тӏехье.
