Гӏалгӏайчера «Къона оарцагӏъухараш» яхача проекта Доакъашхой, кердача боарамга баьлар
Гӏалгӏайче дӏахо кхоачашъеш я «Къона оарцагӏъухараш» яха вахаре лоархӏаме проект. Из проект лаьрхӏа я чоалхане хьал эттача де дезар кхувш йоагӏача тӏехьенна хьалхадаккхара, уж кийчбара. Из дика дегӏайоагӏаш я: цун доакъашхой кийчон болх дика бовзаш, шоай говзал йоаржаеш ба, яхаш, дийцар «Сердало» газетага республикан кагирхой Комитете.
Тхоца къамаьл даьчо яхачох, ондаргаш дешарца ӏомалу хьалхара новкъостал де, шоаш ӏомадаьр лакхача боарам тӏа даккха. Цунна чудоагӏаш да чоалхане хьал эттача из къоастадар, хьалхара гӏа баккхар мишта хила деза гойтар. Из хьал боккъонца долаш санна ӏомаду кагирхоша.
Из болх вӏашагӏбеллараша, проекта инструктораша керттера терко тӏайохийт ӏомадаьр шаьрдара, болх тоабашца вӏашагӏболлара, хӏара доакъашхочун ший балха де дезар, бехктокхаме хаттараш кхоачашде хара, психологически духьалъотталуш хилара.
Керда дешара вӏашагӏкхетар дӏа мел хьоча хана, мах бола практически говзал ӏомаю, уж кийча хул эшача новкъостал де баха.
