СВО Гӏалгӏайчера доакъашхой таро я шоай бизнес хьаелла
Гӏалгӏай мехка дӏайолаяьй лоархӏаме вахара, «Шоллагӏа лакхале» яха проект, из лаьрхӏа я лаьрххӏача операце бӏухой, цар дезал хьаллацара. Из дӏахьош хилара керттера бахьан да ветеранашта новкъостал дар, керда профессиональни къахьегама хьал лахар, из мехка экономиканна дика юкъедаккхар, яхаш, дийцар «Сердало» газетага Гӏалгӏайчен Паччахьалкхене.
Программан керттердар да, цар шоай гӏулакх хьаделла вӏаштӏехьдалар. Из болх вӏашагӏбеллараш хьежаб, гӏулакх дӏадоладаргара бизнес хьаелларга кхаччалца царна новкъостал де. Говзанчаш, мах боацаш, проекта доакъашхошца хургба, массадолча даькъ тӏа - кеп хоржаш, бизнес дӏаязъеш, массазара бокъон хаттараш кхоачашдеш. Доакъашхой иштта ӏомалуш хургба шоаш хьадийлла гӏулакх леладе, уж ӏомабергба нийса бизнес-планаш оттае, Гӏалгӏайчен экономиканна пайда луш уж хургйолаш.
«Шоллагӏа лакхале» яхача тоабо новкъостал дергда дӏаболалуш мара боацача шоай гӏулакх хьаделларашта тешшаме балха новкъостий лаха, шоаш хьадер маьхалдаккха уж царна накъабоалаш хургба. Из дика никъ ба ший дезал ӏалашбе, хьамсара республика дегӏайоалае безам болча сага.
