«Мерседес» йига хиннар шера ӏаьдала болх беш хургва
17.08.2026 16:28
Наьха машин йигача 24 шу даьннача вахархочунна хьадийлла гӏулакх тохкаш хилар, Илдарха-Гӏалий тӏарча суде. Россе УК 1-ча даькъа 166 ст.бехктокхаме озаш ва из. «Сердалога» из хоам бера мехкарча прокуратурера.
Тохкама болхлоша белгалдечох, бекарга бетта 27-ча дийнахьа наькъа юстара ӏооттаяь латтача «Мерседес-Бенц ML63» машина чухайнав из, ниӏ къайла цахиларах.
Машин лалла бокъо луш дола каьхаташ доацаш, из йолча даьна ховш хӏама доацаш, Бурогахьа лаьллай цо из. Бакъда лаьрхӏар кхоачашхиннадац. Машин йига сахьат даьлча, Пригородни кхалерча Россе ГИБДД ОМВД болхлоша соцаваьв из.
Диззача шера ӏаьдала болх беш хургва, наьха машин хахка чам болаш хиннар.
