Шахьарашкара, юрташкара хин хьал меттадоаладеш ба тахан
Вай мехкарча юрташкара, шахьарашкара хин хьал тоадара тӏехьа чӏоагӏа къахьегаш ба тахан. Из хоам «Сердалога» бир Мехкадаь зарбан болх лелабераша.
«Магӏалбика кхален Аьккхий-Юрта цу оагӏонцара болх дӏаболабаьб. 10 урам тӏа хин турбаш хувцаргья. Къаман моттигера вахара хьал, коммунальни оагӏонца дувзаденнараш тоадарах йолча проекташка гӏолла дӏахьош ба болх. Хӏаьта уж проекташ Россе Президента чӏоагӏонца йоаржаяь я», - белгалдир вай мехкадас Келаматанаькъан Махьмуд-ӏаьлас.
Ааьккхий-Юрт – цу оагӏонца эггара хьалхара гӏа мара бац. Иштта дола балхаш дӏадахьа деза Заьзгакъонгий–Юрта, Южне, Махьмад–Хи тӏа, Дола-Коа, Инаркъе. 53 км кхоачаш хин турбаш хвцаргья болхлоша. Хьалхагӏа Берд-Юрта хийцар 3,4 км., Илдарха-Гӏалий тӏа- 22 км. Боккха болх ба тахан дӏаболабаьр, вай массане хам бе безаш. Мехкадас белгалдир; уж деррига хувцамаш бахархой вахара хьал аттачахьа доаккхаш хургда, аьнна.
