Унахцӏенон оагӏонцара хьал тоадеш ба мехка
Дӏадахача шера вай мехка унахцӏенон оагӏонца доккха гӏо даьраш 971 саг ва. «Сердалога» из хоам бера Мехкадаь зарбан болх лелаберашкара.
«Унахцӏенон оагӏонцара гӏулакхаш эггара керттерча моттиге латт тахан. Из болх боаггӏача боараме тоабе гӏерташ, хьинаре къахьегаш ба тахан, мехка кердадараш юкъекхувлаш, лорашка шоай говзал лакхъяйташ, иштта кхыдараш доаржадеш», - белгалдир вай мехкадас Келаматанаькъан Махьмуд-ӏаьлас.
Геттара хала лоархӏаш йола операцеш я цу балха юкъе. 96% операцеш ОМС полисага гӏолла мах боацаш яьй. Цу юкъе я травматологи, ортопеди, дегацара хирурги, нейрохирурги, онкологи.
Иштта 31 бера хирургий лакха говзал эшаш долша дарба чакхдаьккхад. Федеральни оагӏонцара новкъостал хилар геттара лоархӏаме да тахан. 37 хала лоархӏаш бола болх чакхбаьккхаб лораша.
Дикка толам баьккхарех я республикера клинически дарбанче, республикера фтизиопульмонологех йола моттиг. Белгалде деза, унахцӏенон оагӏон хьал, мехка дикка къахьегаш, тоадеш латтилга карарча хана.
