Кхачан даарашта тIахьожам лоаттабара болх чIоагIбаьб
ГIалгIай Республике дика болх дIахьош ба кхерамзлен Iалашо яра, иштта кхачан даарашта тIахьожам лоаттабара, къаьстта социальни даькъ тIа. Комиссе кхетаче дIайихьар вице-премьера Кокурхой Адама кулгал деш, цига дийцар хьайбашкара хьадоаккха маша леладара хьал лорадарах, аьлар «Сердало» газетага ГIалгIайчен Кулгалхочун, Паччахьалкхен зарбан болх лелабераша.
«ТIеххьарча ах шера дIадихьар 400 совгIа лабораторе тохкамаш. Шурах долча даарий, чкъаьран, оалхазарий, дулха дикалга хьожаш.
ТIеххьара баьча тохкама балха чаккхено хьагойтар, из деррига даар ший хиладезача боараме долга», - аьлар хоамо.
Керттера терко тIайохийт кхачан даарашта Iалашо яра, къаьстта вахара Iалашон моттигашка лоаттаеча. Ишколаш, берий бешамаш, дарбанченаш чуйоагIаш я паччахьалкхен «Меркурий» яхача даькъа, цо таро лу бIарчча тIахьожам лоаттабе кхачанна, из арахецаргара дIаболабенна йохкара даькъ тIа кхаччалца. Цунца дувзаденна да ший ханнахьа моллагIа дола кхоачамбоацар юкъера дIадаккхар, продукце дикал лоаттаяр.
ДIахо из болх дIабахьа лерхI, вахарца ювзаеннача моттигашка тIахьожам лоаттабеш, иштта лабораторе тохкамаш дIахьош. Цу тайпара болх дIахьош хилча, хьалхарча аргIагIа берашта, бахача наха тешшаме дикал йола продукташ лоаттае таро хургья.
