Гӏалгӏайче эпидемиологически даькъ тӏара болх чӏоагӏбергба
Гӏалгӏайчен Паччахьалкхен председатела Сластенин Владимира балха кхетаче дӏайихьар, моттигерча Роспотребнадзора урхаллен кулгалхочунца Къамурзой Борисаца. Кулгалхо а цун еррига балха тоаба а даькъалайийцар премьер-министра, цар профессиональни цӏайца. Сластенина белгалдир цар денна дукха къахьегаш хилар, из бахьан долаш республикан санитарно-эпидемиологически хьал дика хилар.
«Цар шоайла дийцар цу даькъ тӏара лоархӏаме хаттараш, уж хьалаш леладеча наьха бокъонаш лораярах. Къаьстта терко тӏаяхийтар эпидемиологически хьала, даара дикала, молаш дола хий цӏена хилийтара. Къамурзой Бориса яхачох, 2026 шера 8 бетта республике инфекцех дукха нах цкъара цамогаш хинна моттиг белгалъяьяц. Иштта дале а, говзанчаш даим санитарно-эпидемена духьалара болх дӏахьош ба. Къаьстта терко лоаттаю ишколашкарча даара тӏехьа. Ер шу дӏадоладелча денз, 385 хьежаб даара дикал миштай, иштта кийчдаь даьннача даара санитарно-химически хьокхамаш миштад, царех 189 - микробиологически. Лабораторен тӏахьожамца кхоачам боацаш хӏама нийслой, из юстардоах», - аьлар «Сердало» газетага Гӏалгӏайчен Паччахьалкхене.
Цар лаьрхӏар, боахамашта юкъера бувзам лелабе беза. Мехка доазон тӏа санитарно-эпидемиологически хьал чӏоагӏде, даара дикала тӏахьожам лоаттабе.
