Керда шу хьатӀадоагӀаш, ГӀалгӀайче лораергья корс йола гаьнаш
20.11.2024 14:29
Кердача шу хьахила гаргагӀорташ, оагӀой бетта 21-ча денгара 31-ча денга кхаччалца, республикан хьун даькъ тӀа корс йола гаьнаш лораергья, бокъонах доацаш уж тедаргйоацаш, яхаш, дийцар «Сердало» газетага ГӀалгӀай Республикан Ӏалама Министерстве.
Цу юкъа тӀахьожам лоаттабергба бокъонаш лораеча Ӏаьдала болхлоша цу фух йола гаьнаш кхувча хьун доазон тӀа.
Цул совгӀа, болх дӀахьоргба наха юкъе, бокъо йоацаш хьу тедарах административни а уголовни а бехктокхаме озаш хилар хьалхадоаккхаргда.
Хьем ца беш кхетама болх дӀахьош хилара бахьан да, кердача шера наха цӀагӀа увттаеш йола корсамаш хьунагӀара йоахаргйоацаш», - аьлар Ӏалам лорадеча боахаме.
