«Са газ» яхача кӏийленах пайда эцаш ба тахан 27 эзар совгӏа бахархой
ЖКХ оагӏонцара гӏулакхаш тахан хьадаьннача таьрахьашца дувзаденнарашка гӏолла кхоачашде ловш бола бахархой хӏара денна дукхагӏа хулаш латт. «Са газ» яхача цаӏ йолча доалахьарча кабинета болх байзараш тахан 26 964 гаргга бахархой ба. Из хоам «Сердалога» бир мехкарча паччахьалкхено.
Таьрахьашца дувзаденнарашца бувзам лелабераш дукхагӏа хулаш латтилга теркалду тахан мехка. Ер шу доладелча денз, онлайн-платформах хьахоттавеннараш эзар совгӏа саг ва. Цу оагӏонга гӏолла тайп-тайпара декхараш кхоачашде йиш я наьха. Укх шера хьалхарча ялх бетта, «Са газ» яхача платформага гӏолла, республике газах дӏаденнача дерригача декхарах 13%-га кхоачаш ахча дӏатӏадахьийтад. Дӏадахача шера хьал теркалдича, 23, 5%-га кхоачаш айденнад из гӏулакх. Цо хьагойт, онлайне гӏолла декхар дӏателар бахархошта аттагӏа хетилга.
Хӏаьта 24 сахьата из платформа болх беш хилар геттара аттача боаккхаш да из болх. Ма дарра аьлча, газаца дувзаденна мел дола хӏама довза, тахка йиш я наьха, цу оагӏонга гӏолла бувзаме баьнна.
Каьхаташца хала кхеста ца безаш, шоай цӏагӏа баггӏашехь, дӏатӏадахьийта йиш я тӏалатта декхар. Мах боацаш, хьачуяккха йиш я «Са газ» телефона чу.
